Euskal Herriko Unibertsitatean Hezkuntza Fisikoan diplomatua eta, ondoren, Fisioterapian diplomatua Extremadurako Unibertsitatean, Deportivo Alavés taldeko behe kategorietan hasi zuen ibilbide profesionala, eta 2006an ekimen pribatura egin zuen salto, Ergoactiv La Escuela de la Espalda (Bizkarraren Eskola) proiektu propioarekin. Harrezkero, mugimendu kontzientea sustatzeko talde saioak gidatzeaz gain, denboraren zati handi bat ikerkuntzari eskaini dio; hala, bere kideekin batera, Ergoactiv Metodoa sortu du, eta metodo horren eraginkortasunak eta efikaziak nazioarte mailako komunitate zientifikoaren aitorpena jaso du, baita sari eta aipamen ugari ere.